到韓國旅遊當然要一試韓牛究竟有幾咁高級,幾咁好味啦!(。´∀`)ノ 不過高級野當然就係貴啦╮(╯▽╰)╭ 咁點先可以又唔貴又食到新鮮美味的正宗烤韓牛呢?
韓牛 한우 hanu
韓國本土牛肉,在韓國飲食文化中有很重要的地位,是在節假日饋贈親朋的禮品,而韓國人一般在過節時才會吃韓牛,地位非常高啊~!
位於首爾地鐵馬場站(541)附近的馬場洞畜產品市場旁的烤肉街,來這裡吃韓牛大概就是市中心餐廳的三份二價錢,甚至二份一價錢,甚至更抵啊 !!! C/P值很高!(≧▽≦)y 所以必定要推介大家到韓國唔使大出血都能品嘗這必吃的美食!( ̄▽ ̄)~♥
卡卡當日編排行程先到仁寺洞逛街,之後於鍾路三街站(534)乘紫色的5號線直達馬場站(541),7個站,12mins,不用轉車好快到,相當方便。大家不仿也抄考這個編排,我自己好滿意= ̄ω ̄= 哈哈~
去到馬場站在2號出口上來
路線 1 或 2 都可以,時間差不多。我走的是路線 1,油站路口左轉直行,這路線可以穿過市場參觀,再到烤肉一條街,內有十幾家烤肉店家,龍門家是其中一間。
路線 1 周邊環境
油站路口入,跟著箭頭走
馬場洞畜產品市場
到達市場的南門
一路直走會見到好多肉檔賣韓牛,韓國人買回家自己烤,其實價錢好抵。
見呀珠媽都在這家買,唔知係咪特別好呢?
繼續直直直走,會經過肉檔見到入面屠房,好像似電影場境。下午時間來人不多,有點陰森感覺~。。。(~ ̄▽ ̄)~ 不過整個市場都整理得好乾淨,地面都是乾的不會怕滑倒。
許多不同部位都買得到:牛肉、牛骨、牛肝、牛舌、牛胃、牛腸、牛腦… 連整個豬頭也有。特別怕血腥的,請走路線 2。
烤肉一條街
穿過市場出來,左手邊就是烤肉一條街。由地鐵站來步程約15mins。
經過頭上呢個牌進去就是烤肉街
全部都是烤肉餐廳
龍門家
正是我們今次要來吃韓牛的烤肉店,是老闆娘婆婆的樣子做生招牌,標榜自己是用1++和1+的韓牛。
見到龍門家事頭婆 – 簡稱「龍婆」在喪切好多牛肉,親力親為,正準備晚市。
可愛的龍婆自己舉起 V 字手勢:「kamchi~」給我拍照,果然是生招牌!v(⌒▽⌒)
餐廳環境
五枱座椅區,後面其他的都是座地區。非午晚市的時候來不用等位不用迫人,正!
MENU
牆上掛著餐牌,左邊紅色是韓牛,右邊綠色是本地肉牛。兩者都是韓國本土出產的,但韓牛比肉牛高級,所以價錢亦較高。來這裡目標一定是韓牛!不懂看韓文餐牌不緊要,因為有識講中文的呀珠媽。而且遊客來這裡大多會點最吸引的拼盤組合,共有四、五個部位,每樣都試得到。
每 100g w12,000,點 700g 會優惠一點 w80,000。700g 也蠻多的,我們二人點了500g,份量很足夠。
轉個頭呀珠媽就把前菜配菜放滿一桌
牛生肝、牛生肚
這個是龍門家必定會有的免費前菜,雖然好想試,但因為我倆都是腸胃敏感者,為免影響之後的行程,生內臟還是不敢吃。>"<
生拌牛肉
不過生肉就敢吃了,生牛肉拌清甜的梨、麻油和細蔥,真係超美味。生牛肉好柔滑軟嫩,跟甜甜的梨子拌著吃,這組合的確配合得天衣無縫!而且兩位腸胃敏感者表示食後完全無肚痛!ヽ(^▽^)ノ哈哈!
韓牛拼盤
我們的韓牛到了,新鮮的鮮紅色,急不及待要烤了!≧ω≦ 這裡是500g的份量,如果肚餓或者大食的朋友,兩位可以點500g。不太餓或者細食的女生們,兩位可點400g。大概給你們作個參考。
不懂韓文的關係,純粹估下,各部位分別是:胸肉、排骨肉、隔膜肉、裏脊肉和板腱肉。  ̄▽ ̄ er………. 唔理嚕,開餐!
首先呀珠媽會舖上錫紙給我們先烤肥牛,油脂超香超美味!揭開烤韓牛的序幕~
吃完肥牛,就可以烤其他部位啦。肉是自己烤的,呀珠媽不時會幫我們換隔網,唔怕黐底。旁邊放上菇和蒜一起烤,配菜包肉,一流。
呀珠媽還送我們大醬湯 和 Cola,감사합니다 襟沙咪打~
嗚嘩~!!! 好美味的烤韓牛啊!!!!!! 寫美食推薦文看回相片是最辛苦 ㄟ(≧◇≦) 韓牛肉好有彈性,入口肉質紋路好清晰,比以往吃過的牛肉多了一份香味,的而且確是韓牛獨有的味道。輕烤,不用全熟,尤其脂肪較少的部份內生外熟是最好吃。
吃過原味後就要吃我好愛的菜包肉,一桌都是配菜醬汁,你鐘意包咩就包咩啦~!
大理石紋路的韓牛肉,超多肉汁!入口即化!!真係無得頂!!!!!! ≧ω≦♥♥♥
回程路,這邊就是外圍路線2的風景
即使普通的街道,配上黃昏日落一樣變成美景!
溫馨提示
- 按人數和胃口點份量,即使呀珠媽要你點多D話你食得晒,你都可以堅持,以免浪費食物浪費金錢嘛,寧願唔夠食先加碼。
- 外套手袋放在餐廳提供的大膠袋中,不怕薰到烤肉味。有需要可以穿圍裙,因為油真係會彈!
- 韓牛一條街行到尾左手邊有公共洗手間,重點是非常乾淨,對女生來說很重要。
好美味!即使吃飽了但仍有想再吃下去的感覺,韓牛這美食真的令人回味!二人吃 500g韓牛 w60,000 (約HK$420),桌上所有小菜配菜都不另收費,每人HK$210 就可以吃到新鮮的高級韓牛。如果4人吃w80,000 700g的拼盤,即是每人只需約HK$140!價錢合理,良好品質,距離市中心好近,來這裡很方便。想吃韓牛的,推薦你來CP值高的馬場洞。(✿✪▽✪。)ノ
* UPDATE
- 之後我們到馬場洞,選擇在市場自選韓牛,到樓上餐廳烤。CP值更更更高!
- 在京畿道坡州 普羅旺斯村 法式餐廳 吃韓牛西冷扒,超美味!
Information
龍門家 용문집
電話|02-2292-2218
營業|1100 – 翌日0200
休日|無休日
地址|首爾特別市城東區馬場洞803 서울 성동구 마장동 803-0
交通|馬場站(541) Exit.2 步行約15mins
好详细!今天准备去试一试!我就是个吃货…..
見呢個blog介紹得咁好,今日(2015年12月25日)就去左龍門食韓牛,店員操流利的普通話,強迫我地點700g韓牛,佢話無300g或400g咁叫。最後,佢拎左碟得13件牛肉,仲有5件超肥(除左上面果幾片肥牛)!呢間嘢完全唔掂,我懷疑佢唔係俾韓牛,只係肉牛,未試過咁唔鮮嘅牛肉!大家小心!
咁衰!!咁慘!?我上面500g都過廿件啦!又送湯又送飲品。仲要俾肥肉你?有冇問下係咪俾錯呀?!13件,咁離譜>_< 如果佢話無俾錯,700g見咁少叫佢秤俾你睇嘛!
個店員放低碟牛肉之後,就無人serve我地啦,叫都唔理呀!最後咪食完放低錢就走。我已經去投訴左呢間黑店欺騙遊客。
咁衰!?做咩事變晒質!!有冇影相?有圖有真相,可以FB inbox我睇嗎?
想自由行虫韓國玩
臨時搵食,冇介紹錯!Zzang!!
請問以上事件有跟進嗎? 此店是否已不可信?
無呀,收唔到留言者的相片。不過我有朋友剛剛才去過,碟牛個樣都好唔錯,一定唔只13件!靚過我上面嗰碟!如果想睇相可facebook inbox我 🙂 可以睇埋另外一篇blog,在市場自選1++韓牛就無有怕!