荔園，是卡卡童年和爸爸的回憶，兒時爸爸常常帶我去玩。但畢竟年紀還小，記憶很模糊，只有很零碎的片段。中環荔園的重開，是很多人的期待，不過往往期望越大，失望越大啊。聽見不少人失望的聲音：荔園不再呀、商業策略呀、好貴呀、搵笨呀… 唉，未到先聞，的確有點失望，但相反亦令我不抱著太大期望地到此一遊！
而且在沒計劃的情況下剛巧遇上日落美景，推介大家跟著走一走！(⌒▽⌒)~♥
到達入口處就可以直接入場，6月29日 – 9月初都是免入場費。
一入正門就見到好逼真的機械大笨象Tino，將香蕉拋入Tino口中就會叫和用象鼻噴水，唔想濕身記住唔好企咁前。每半小時仲會表演一次便便添 LOL
跟住就會見到好多經典遊戲，掟綠箭、叮叮船、恐龍屋、鬼屋… 全場最多的是攤位遊戲。大部份都比較適合小朋友玩，已經係大朋友既我只是行下、影下相，懷念一下。
離遠見到個戲棚既物體，原來係俾大家坐底睇經典相片playback。一幕一幕的回憶衝晒出黎啊，唔知會唔會有人見返自己既照片。
另一邊有食物檔，好多野食，最受歡迎絕對係西瓜冰 & 雪糕！天氣咁熱、真係雪都雪唔切 XD
有一些太陽傘和大排檔位置俾大家食啲野休息一下
好多人！見到啲煙霧嘛？每個攤位四邊都會不斷噴住濕氣，為大家降降溫！幾好幾好～
漸入黃昏，拍下恐龍背影
係咁咦行 一遍整個荔園，無玩啲咩，影相多。遊戲$10 – $80不等，價錢都比較貴，性質又比較適合小朋友，所以卡卡入去無使過錢就出返黎了～ (亦唔捨得使呢啲錢)
6:30pm 出園後剛巧遇上黃昏日落，反而更有驚喜！大家不妨抄考抄考呢個行程，因為真係好靚 (*≧∇≦*)
慢步到中環碼頭
坐上6:58pm開動的天星小輪到尖沙咀 (星期六日公假 成人$2.8一程) 還看到如此日落美景！真係好靚呀～!!!
去片～～
熱辣辣，到達天星碼頭，7仔行過少少吃卡卡最愛的意大利雪糕品牌 XTC。Gelato 和 sorbet 都有很多口味，買前可以試試喜歡的口味再決定。我們吃了新口味：黑椒檸檬味 和 港式奶茶味！正～
在尖沙咀海旁望返對面岸，維港美景盡入眼簾！一邊欣賞美景一邊吃著美味雪糕～！爽到呢！香港的夜景真心覺得最靚。
溫馨提示
- 玩前先download定荔園App，有儲分換金幣優惠。
- 天口咁熱，去荔園記得做足措施：太陽眼鏡、傘、紅爆風扇仔、帽、防曬 少不得，多飲水以免中暑。
- 人造草坪下面始終係凹凸不平的爛地，玩既同時要小心行路。
Information
荔園Super Summer 2015
開放｜2015年6月26日至9月初
時間｜1100-2300
地址｜中環龍和道9號中環海濱活動空間
網址
