【美食推薦】香港尖沙咀 SURA水刺韓饍|失而復得的美味|吃貨伴旅 CACAmazing Travel

大家係咪都想去食《街坊廚神舌戰新台韓》金剛小儀介紹喺香港嗰間韓式豆漿冷麵呢?我去左喇,大家唔使搵喇,因為已經做完喇。Sooosad~~~ 個豆漿冷麵只係6月、7月限定,即是話,佢播得出街都已經無左喇(゚Д゚≡゚Д゚) 聽到隔離食客在Menu上搵唔到豆漿麵之際,我同佢地講已經無左,大家都大為失望。食客甚至有點怒火說:點解要限定只做6月、7月呢?豆漿當造咩?真係俾小儀玩死… ( ̄▽ ̄)"

 

唉~我們抱住失望心情繼續睇Menu,但一場黎到,都試下呢間韓國餐廳掂唔掂啦,竟然俾到驚喜我地喎。(・ ω ・)

 

水刺韓饍

位於尖沙咀山林道上樓餐廳,佐敦鐵路站D出口步行4mins,易去易搵。老闆係韓國Oppa。我地lunch time 到達,不用等位,而且坐位非常寬闊,坐得非常舒適,第一點值得讚!(^ー^)b

 

因為無左豆漿麵,我們二人點了

  1. 午餐套餐 – 烤牛肋骨配水冷麵 (或配泡菜湯+白飯) HKD138
  2. 辣海鮮湯麵 HKD88
  3. 芝士海鮮煎餅 HKD148

 

前菜夠認真

香港有啲韓國餐廳,份前菜真係好似扮下野咁,係咁咦俾碟泡菜仔你,試過又細碟又難食。但水刺韓饍前菜一啲都唔hea,共5款:泡菜、黑豆、芽菜、菠菜、醃蘿蔔,重點是每款都好味。前菜看得到餐廳用心,讚~!第二點值得讚!( ̄ー ̄)b

 

烤牛肋骨配水冷麵

水冷麵跟韓國的餐廳一樣,自己加白醋和芥末醬,調配自己喜歡既口味。而韓國的水冷麵麵質有分兩種,一種是軟身、一種是爽口彈牙,水刺韓饍的水冷麵則是後者,喜歡彈牙蕎麥麵既朋友記得去食喇~夏天食佢好爽啊~!≧ω≦

 

烤牛肋骨在小鐵盤上發出吱吱聲,熱辣辣,確係香氣撲鼻,而且好好味!我食唔停口,牛肋肉質嫩,配上香烤的醬汁,呢個真係好正~第三點值得讚,推薦(≧▽≦)b

 

辣海鮮湯麵

金剛推介,先試一試個湯,應該為配合香港人口味,少少辣,係幾好味。麵已經唔係金剛小儀介紹既泡麵,麵質有點像中式陽春麵,配上湯底都幾搭。不過,海鮮湯麵既海鮮竟然係敗筆,除了魷魚ok之外,青口、蜆等海鮮都唔夠鮮、甚至無咩味,所以這款我就無下次了。

 

芝士海鮮煎餅

即使在韓國也好少食到海鮮煎餅係配芝士,香港亦好少有。聽落覺得好吸引!!! 所以點了它,果然不負所望!( ̄▽ ̄)~♥

 

上桌時俾佢嚇襯,因為成個pizza咁款,好大份!比起一般的海鮮煎餅大和厚身。看著上面滿滿的芝士,已經急不及待要開動了。用上 Mozzarella Cheese,拉絲效果滿分!食落一點也不像一般吃到的韓式煎餅,勁似加左芝士既潮洲海鮮蠔餅。邊位酥脆~好好味呀!第四點值得讚,這個推薦啊!(≧▽≦)b

 

 

最後還每人奉上一杯免費蘋果醋,為今餐畫上完美句號。

 

海鮮煎餅成個pizza咁大,兩個人眼闊肚窄了。當然不能浪費,打包回家隔天用焗爐加熱,仍然芝士半溶、外脆內軟,好正~!o(≧ v ≦)o

 

雖然特意前來沒有了韓式冷豆漿麵 ( ̄∇ ̄" 好在食物質素都唔錯~ 尋回失而復得的美味!〒▽〒 餐廳還有好多韓食 e.g. 韓燒、韓式拌飯、醬油蟹等。不妨來試試啊!

 

Information

水剌韓饍 SURA Korean Cuisine
營業|星期一至日 1200-1500、1800-2300
電話|2711 7700 (可以訂座)
地址|尖沙咀山林道17-19號山林中心2樓
FacebookGoogle Map

 

廣告