𝐁𝐞 𝐰𝐚𝐭𝐞𝐫 𝐦𝐲 𝐟𝐫𝐢𝐞𝐧𝐝
一個覺得遊行、示威、雨傘運動嘅人都係搞事嘅朋友，竟然616佢都去遊行，仲要係遊行前後都帶埋非常支持香港政府嘅爸爸，喺遊行區飲茶同食父親節飯，佢爸爸親眼睇過後，讚遊行人士十分和平，而且仲話佢個跟親共傳媒話「梁烈士唔係英雄，只係自己令自己致死嘅暴徒」嘅太太，叫太太唔好信呢啲報導。
回想返佢呢個轉變，可能因為我地冇爭執過，一直係用和平、講笑咁去溝通，不經不覺，佢開始明多左真相、多左去接受同分晰。
我諗和平同包容係好好嘅做法，有同事星期一係度鬧啲交通因遊行被防礙，我地班同事都只一係路整咖啡一路傾計，就係咁，佢由「我唔理政治嘢，但示威真係阻住人」到問點解政府一面話唔夠地方住，要用成萬億做明日大嶼（之前連有明日大嶼都唔知），但一面又每日放150個大陸新移民落香港？
另外一個屋企人係警察嘅朋友，我叫佢關心下佢個警察家人，由612開始唔出聲嘅警察家人，直到616佢終於出聲話「其實示威者好和平，都唔明上司點解要我地連踩咁多個鐘冇得收工。」
我覺得要認清敵人，敵人嘅敵人係朋友，敵人嘅朋友如果都做埋你朋友，咁就可以剝敵人光豬。
𝐁𝐞 𝐰𝐚𝐭𝐞𝐫 𝐦𝐲 𝐟𝐫𝐢𝐞𝐧𝐝，唔好掛住凍水熱水嫌棄對方，最重要係團結，幾滴水散開，蒸發左都唔知，但匯聚成海就恐龍都浸得死。
我覺得616嘅成功之處係唔同年齡層、唔同強度、唔同做法嘅人都只專注係重點一齊遊行表態：
#徹回惡法
#取消暴動定性
#追究警方責任
#釋放被捕人士
#林鄭下台
但到而家仲未成功，政府仍然係好醜惡厚臉皮咁唔認錯、唔改過，所以希望香港人可以繼續團結，抵擋邪惡政權同惡法。
#反送中 #NoExtraditionToChina #BeWater
